ვენის სადაზღვევო ჯგუფის საინაუგურაციო ღონისძიებას ირაო-ს და ჯიპიაი ჰოლდინგის მენეჯმენტი დაესწრო

Posted in სიახლეები

2012 წლის 25 მაისს ქ. ვენაში, გაიმართა ვენის სადაზღვევო ჯგუფის მიერ ორგანიზებული საინაუგურაციო ღონისძიება, რომელზეც კომპანიის უკვე ყოფილმა გენერალური მენეჯერმა (CEO) გიუნტერ გეიერმა, აუდიტორიას მისი შემცვლელი, პიტერ ჰაგენი წარუდგინა. აღნიშნულ ღონისძიებას ესწრებოდნენ ვენის სადაზღვევო ჯგუფის ცენტრალური და აღმოსავლეთ ევროპის 25 ქვეყნის - 1 200 წარმომადგენელი, მათ შორის ირაო-ს და ჯიპიაი ჰოლდინგის ტოპ - მენეჯმენტი.

გიუნტერ გეიერი ვენის სადაზღვევო ჯგუფში 1974 წლიდან მოღვაწეობს, 1988 წელს იგი ჯგუფის მმართველ საბჭოში დაინიშნა, ხოლო უკანასკნელი 11 წლის განმავლობაში წარმატებით იკავებდა გენერალური მენეჯერის თანამდებობას. მისი ხელმძღვანელობის ქვეშ ვენის სადაზღვევო ჯგუფი ავსტრიის, ცენტრალური და აღმოსავლეთ ევროპის წამყვან სადაზღვევო კომპანიად იქცა. გეიერის მმართველობის პერიოდში კომპანიის წლიური პრემიის ოდენობა 21 მილიონი ევროდან - 560 მილიონ ევრომდე გაიზარდა. პიტერ ჰაგენს გააჩნია ავსტრიის, ცენტრალური და აღმოსავლეთ ევროპის სხვადასხვა საფინანსო ჯგუბებში ტოპ-მენეჯერის პოზიციებზე მუშაობის საკმაოდ დიდი გამოცდილება, 2009 წლიდან იგი წარმოდგენილი იყო ვენის სადაზღვევო ჯგუფის გენერალური მენეჯერის მოადგილის თანამდებობაზე.

აღნიშნული პრეზენტაციის კიდევ ერთი მიზანი იყო, 2011 წელს გიუნტერ გეიერის მიერ ინიცირებული საქველმოქმედო სოციალური დღის (VIG Social Active Day) გამარჯვებულების დაჯილდოვება. აღნიშნული ინიციატივის ფარგლებში ვენის სადაზღვევო ჯგუფის მფლობელობაში მყოფი სადაზღვევო კომპანიების თანამშრომლებმა - ერთი სამუშაო დღე მიუძღვნეს ნებაყოფლობით სოციალურ სამუშაოებს. 100 000 ევროს ოდენობის პრემია, განაწილდა ვენის სადაზღვევო ჯგუფის წევრი სადაზღვევო კომპანიების - 3 წარმომადგენელზე.

ვენის სადაზღვევო ჯგუფი წარმოადგენს საუკუნეზე მეტი სადაზღვევო გამოცდილების მქონე ავსტრიისა და ევროპის წამყვან სადაზღვევო ჯგუფს, რომლის მმართველობის ქვეშ იმყოფება ცენტრალური და აღმოსავლეთი ევროპის 25 ქვეყნის - 50 სადაზღვევო კომპანია, მათ შორის ირაო და ჯიპიაი ჰოლდინგი.

 

ირაო ხელს უწყობს ოჯახის ექიმების პროფესიულ განვითარებას

Posted in სიახლეები

 

ირაო ხელს უწყობს ოჯახის ექიმების პროფესიულ განვითარებას 

 

 

მიმდინარე წლის 24-25 ივლისს დაზღვევის საერთაშორისო კომპანია ირაო-ს /ვენის სადაზღვევო ჯგუფი/მომსახურების სერვის ცენტრში, რომელიც  ვაჟა ფშაველას 14-შიმდებარეობს, გაიმართა კომპანიის ოჯახის ექიმების ტრეინინგ-სემინარები კლინიკური მედიცინის თანამედროვემიდგომების თაობაზე. აღნიშნულ სემინარს გაუძღვა                 ქ. ბლეისვიკის (ნიდერლანდები) კერსტენის ზოგადი პრაქტიკის ცენტრში 15 წლის განმავლობაში მოღვაწე ოჯახის ექიმი ნინო ბაკაშვილი და ირაო-ს სამედიცინო დაზღვევის დირექტორი  ეკატერინე ნაცვლიშვილი.

 

ირაო-ს ოჯახის ექიმების ტრეინინგები დაიგეგმა ივნისის შუა რიცხვებში,                 ქ. ბათუმში გამართულ სამედიცინო კონფერენცია „მედეა 2012“-ის მსვლელობისას, რომელსაც ირაო-ს წარმომადგენლები,ასევე საზღვარგარეთ მოღვაწე  ქართველი ექიმები, მათ შორის  ქ-ნი ნინო ბაკაშვილი ესწრებოდნენ. აღნიშნულ კონფერენციაზე განხილულ იქნა უცხოეთში მოღვაწე ქართველი ექიმების საქართველოს სამედიცინო სფეროში რეინტეგრაციის, ხარისხიანი და ხელმისაწვდომი სამედიცინო სერვისების შექმნისა და ქვეყნის ჯანდაცვის სისტემაში ინვესტიციების მოზიდვის უზრუნველყოფის საკითხები. აღნიშნული პროექტის ერთ-ერთი ინიციატორი და მხარდამჭერი საქართველოს პირველი ლედი სანდრა ელისაბედ რულოვსი იყო.

 

ირაო-ს სერვის ცენტრში გამართულ ტრენინგ-სემინარზე ოჯახის ექიმებმა განიხილეს ორი კლინიკური გაიდლაინი: საშარდე გზების ინფექციებისა და ჰიპოთირეოზის მართვა. სემინარზე განსახილველი თემები შერჩეულ იქნა ირაო-ს ოჯახის ექიმებთან კონსულტაციების შედეგად, აღნიშნული საკითხების აქტუალობის გათვალისწინებით. ამ საკითხების ირგვლივ სემინარზე გაიმართა პრეზენტაციები და  დისკუსიები.  სტუმარმა გაუზიარა კოლეგებს ნიდერლანდებში მიღებული საგანმანათლებლო და პროფესიული გამოცდილება. ასევე დიდი დრო დაეთმო საუბარს ევროპაში ოჯახის ექიმების პრაქტიკაში მტკიცებითი მედიცინის მნიშვნელობას. გაიდლაინების დეტალური განხილვის დროს გაიმართა მსჯელობა კონკრეტულ პრაქტიკულ მაგალითებზე. ჰოლანდიაში მოღვაწე  ექიმმა განუმარტა ირაო-ს ოჯახის ექიმებს თანამედროვე მედიცინის მიერ აღიარებული მიდგომები, თუ რაოდენ დიდი მნიშვნელობა ენიჭება ოჯახის ექიმის გადაწყვეტილებას, რათა თავიდან იქნას აცილებული არასწორი მკურნალობით ან თვითმკურნალობით გამოწვეული ჯანმრთელობის მდგომარეობის გაუარესება, ასევე ისაუბრა ოჯახის ექიმებსა და სპეციალისტებს შორის მჭიდრო თანამშრომლობის მნიშვნელობის თაობაზე. (საქართველოში ჰიპერდიაგნოსტიკის შემთხვევები საკმაოდ ხშირია, გარდა ამისა, ჭარბი რაოდენობით მედიკამენტების დანიშნულება და ზედმეტი კვლევების დანიშვნა არა

მხოლოდ პაციენტის, არამედ ხშირად ექიმების მიერაც უკეთეს სამედიცინო პრაქტიკად არის მიჩნეული, რისი კატეგორიულად წინააღმდეგია მსოფლიო პრაქტიკა და მტკიცებითი მედიცინა: მხოლოდ ისეთი სახის ჩარევა თუ მედიკამენტი უნდა ენიშნებოდეს პაციენტს, რომელთა სარგებლობა შესაბამისი სარწმუნო სამედიცინო კვლევებით არის  დამტკიცებული). ქალბატონი ნინოს პრეზენტაციამ ძალიან დიდი ინტერესი გამოიწვია სემინარზე დამსწრე ოჯახის ექიმების მხრიდან. მათ ბევრი სასარგებლო, პრაქტიკული რჩევა მიიღეს.  გაჩნდა მოსაზრება, რომ მსგავსმა სემინარებმა რეგულარული, ჯგუფური შეხვედრების ხასიათი უნდა მიიღოს, კლინიკური საკითხების თუ კონკრეტული მაგალითების ურთიერთგაზიარების და განხილვის კუთხით. ახლო მომავალში იგეგმება საქართველოს ოჯახის ექიმთა პროფესიულ ასოციაციაში ირაო-ს ოჯახის ექიმების გაწევრიანება და აღნიშნული ასოციაციის მიერ დაგეგმილ ტრენინგებში მონაწილეობაც.

 

ნინო ბაკაშვილის თქმით: „მოხარული ვარ, რომ ირაო-სთან და კერძოდ კომპანიის სამედიცინო დაზღვევის დირექტორთან ეკა ნაცვლიშვილთან თანამშრომლობის შედეგად მოვახერხეთ აღნიშნული ტრეინინგების ჩატარება. ასევე მოხიბლული ვარ იმ თბილი და უშუალო გარემოთი, რომელშიც მიმდინარეობდა ეს შეხვედრები. ჩვენ განვიხილეთ ის პრობლემები, რომელიც დღეს აწუხებს ოჯახის ექიმებს საქართველოში და მის საზღვრებს გარეთ და დავრჩით კმაყოფილი ამ ტრეინინგების შედეგებით “.

 

ქ-ნი ნინო ახლო მომავალშიც გეგმავს ირაო-ს ოჯახის ექიმებთან კონტაქტის შენარჩუნებასა და საქართველოში მომდევნო ვიზიტების დროს სხვა, მათთვის საინტერესო  საკითხებზე პრეზენტაციების გამართვას.