ირაო ხელს უწყობს ოჯახის ექიმების პროფესიულ განვითარებას

Posted in სიახლეები

 

ირაო ხელს უწყობს ოჯახის ექიმების პროფესიულ განვითარებას 

 

 

მიმდინარე წლის 24-25 ივლისს დაზღვევის საერთაშორისო კომპანია ირაო-ს /ვენის სადაზღვევო ჯგუფი/მომსახურების სერვის ცენტრში, რომელიც  ვაჟა ფშაველას 14-შიმდებარეობს, გაიმართა კომპანიის ოჯახის ექიმების ტრეინინგ-სემინარები კლინიკური მედიცინის თანამედროვემიდგომების თაობაზე. აღნიშნულ სემინარს გაუძღვა                 ქ. ბლეისვიკის (ნიდერლანდები) კერსტენის ზოგადი პრაქტიკის ცენტრში 15 წლის განმავლობაში მოღვაწე ოჯახის ექიმი ნინო ბაკაშვილი და ირაო-ს სამედიცინო დაზღვევის დირექტორი  ეკატერინე ნაცვლიშვილი.

 

ირაო-ს ოჯახის ექიმების ტრეინინგები დაიგეგმა ივნისის შუა რიცხვებში,                 ქ. ბათუმში გამართულ სამედიცინო კონფერენცია „მედეა 2012“-ის მსვლელობისას, რომელსაც ირაო-ს წარმომადგენლები,ასევე საზღვარგარეთ მოღვაწე  ქართველი ექიმები, მათ შორის  ქ-ნი ნინო ბაკაშვილი ესწრებოდნენ. აღნიშნულ კონფერენციაზე განხილულ იქნა უცხოეთში მოღვაწე ქართველი ექიმების საქართველოს სამედიცინო სფეროში რეინტეგრაციის, ხარისხიანი და ხელმისაწვდომი სამედიცინო სერვისების შექმნისა და ქვეყნის ჯანდაცვის სისტემაში ინვესტიციების მოზიდვის უზრუნველყოფის საკითხები. აღნიშნული პროექტის ერთ-ერთი ინიციატორი და მხარდამჭერი საქართველოს პირველი ლედი სანდრა ელისაბედ რულოვსი იყო.

 

ირაო-ს სერვის ცენტრში გამართულ ტრენინგ-სემინარზე ოჯახის ექიმებმა განიხილეს ორი კლინიკური გაიდლაინი: საშარდე გზების ინფექციებისა და ჰიპოთირეოზის მართვა. სემინარზე განსახილველი თემები შერჩეულ იქნა ირაო-ს ოჯახის ექიმებთან კონსულტაციების შედეგად, აღნიშნული საკითხების აქტუალობის გათვალისწინებით. ამ საკითხების ირგვლივ სემინარზე გაიმართა პრეზენტაციები და  დისკუსიები.  სტუმარმა გაუზიარა კოლეგებს ნიდერლანდებში მიღებული საგანმანათლებლო და პროფესიული გამოცდილება. ასევე დიდი დრო დაეთმო საუბარს ევროპაში ოჯახის ექიმების პრაქტიკაში მტკიცებითი მედიცინის მნიშვნელობას. გაიდლაინების დეტალური განხილვის დროს გაიმართა მსჯელობა კონკრეტულ პრაქტიკულ მაგალითებზე. ჰოლანდიაში მოღვაწე  ექიმმა განუმარტა ირაო-ს ოჯახის ექიმებს თანამედროვე მედიცინის მიერ აღიარებული მიდგომები, თუ რაოდენ დიდი მნიშვნელობა ენიჭება ოჯახის ექიმის გადაწყვეტილებას, რათა თავიდან იქნას აცილებული არასწორი მკურნალობით ან თვითმკურნალობით გამოწვეული ჯანმრთელობის მდგომარეობის გაუარესება, ასევე ისაუბრა ოჯახის ექიმებსა და სპეციალისტებს შორის მჭიდრო თანამშრომლობის მნიშვნელობის თაობაზე. (საქართველოში ჰიპერდიაგნოსტიკის შემთხვევები საკმაოდ ხშირია, გარდა ამისა, ჭარბი რაოდენობით მედიკამენტების დანიშნულება და ზედმეტი კვლევების დანიშვნა არა

მხოლოდ პაციენტის, არამედ ხშირად ექიმების მიერაც უკეთეს სამედიცინო პრაქტიკად არის მიჩნეული, რისი კატეგორიულად წინააღმდეგია მსოფლიო პრაქტიკა და მტკიცებითი მედიცინა: მხოლოდ ისეთი სახის ჩარევა თუ მედიკამენტი უნდა ენიშნებოდეს პაციენტს, რომელთა სარგებლობა შესაბამისი სარწმუნო სამედიცინო კვლევებით არის  დამტკიცებული). ქალბატონი ნინოს პრეზენტაციამ ძალიან დიდი ინტერესი გამოიწვია სემინარზე დამსწრე ოჯახის ექიმების მხრიდან. მათ ბევრი სასარგებლო, პრაქტიკული რჩევა მიიღეს.  გაჩნდა მოსაზრება, რომ მსგავსმა სემინარებმა რეგულარული, ჯგუფური შეხვედრების ხასიათი უნდა მიიღოს, კლინიკური საკითხების თუ კონკრეტული მაგალითების ურთიერთგაზიარების და განხილვის კუთხით. ახლო მომავალში იგეგმება საქართველოს ოჯახის ექიმთა პროფესიულ ასოციაციაში ირაო-ს ოჯახის ექიმების გაწევრიანება და აღნიშნული ასოციაციის მიერ დაგეგმილ ტრენინგებში მონაწილეობაც.

 

ნინო ბაკაშვილის თქმით: „მოხარული ვარ, რომ ირაო-სთან და კერძოდ კომპანიის სამედიცინო დაზღვევის დირექტორთან ეკა ნაცვლიშვილთან თანამშრომლობის შედეგად მოვახერხეთ აღნიშნული ტრეინინგების ჩატარება. ასევე მოხიბლული ვარ იმ თბილი და უშუალო გარემოთი, რომელშიც მიმდინარეობდა ეს შეხვედრები. ჩვენ განვიხილეთ ის პრობლემები, რომელიც დღეს აწუხებს ოჯახის ექიმებს საქართველოში და მის საზღვრებს გარეთ და დავრჩით კმაყოფილი ამ ტრეინინგების შედეგებით “.

 

ქ-ნი ნინო ახლო მომავალშიც გეგმავს ირაო-ს ოჯახის ექიმებთან კონტაქტის შენარჩუნებასა და საქართველოში მომდევნო ვიზიტების დროს სხვა, მათთვის საინტერესო  საკითხებზე პრეზენტაციების გამართვას.

ირაომ – მონაწილეობა მიიღო სისხლის ჩაბარების აქციაში

Posted in სიახლეები

აღნიშნული აქციის ფარგლებში ირაო-ს,20-მდე თანამშრომელმა უანგაროდ გაიღო სხვადასხვა ჯგუფის სისხლი, რომელიც შემდეგ სისხლის ბანკის მიერ გამოყენებული იქნება სხვადასხა დაავადებების მკურნალობისას, ასევე ლეიკემიით დაავადებული ბავშვებისათვის, რომელთაც მკურნალობის ერთი კურსისათვის, საშუალოდ 35 ლიტრამდე სისხლის სხვადასხვა კომპონენტი ესაჭიროებათ.

            დაზღვევის საერთაშორისო კომპანია ირაო, რეგულარულად მონაწილეობს სხვადასხვა საქველმოქმედო აქციებში. ახლო მომავალში ასევე დაგეგმილია მიუსაფარ ბავშვთა ერთ-ერთი სახლისათვის სხვადასხვა ნივთებისა და ზამთრის სამოსის გადაცემა.